Фойда солиғи қисқача

Ким тўлайди

Резидент юридик шахслар ва даромади чегарадан ошган (ёки ихтиёрий ўтган) ЯТТ. Айланма солиқ тўловчилар фойда солиғи тўламайди (СК 294-модда).

Ставкалар (СК 337-модда)

• Асосий — 15,0%.
• Банклар, мобил алоқа, бозор ва савдо комплекслари хизмати ва бошқалар — 20 %.
• Дивидендлар — 5 %.
• Ижтимоий соҳа, қишлоқ хўжалиги ишлаб чиқарувчилари — 0 %.
• Соддалаштирилган ҚҚС тартибини танлаганлар — 0,0%, фойда солиғи ҳисоботини топшириш мажбурияти йўқ (ПФ-100, 6-банд).

Имтиёзлар

• 2026 йилдан айланма солиқдан биринчи марта ўтганлар — ўтган йилдан кейинги битта солиқ даври фойда солиғидан озод (дивиденд ва фоиздан ташқари; СК 337-модда 13-қисм).
• Жами даромади биринчи марта 10 млрд сўмдан ошганлар — жорий ва кейинги йил ставка 50 % камайтирилади (100 млрд сўмгача; СК 337-модда 7-қисм).

Муддатлар

• Солиқ даври — йил, ҳисобот даври — чорак.
• Чорак ҳисоботи — кейинги ойнинг 20-санасигача; йиллик — кейинги йилнинг 1 мартигача (СК 339-модда).
• Тўлов — ҳисобот муддатидан кечиктирмай. Ўтган йил жами даромади 20 млрд сўмдан ошганлар ҳар ойнинг 23-санасигача бўнак тўлайди (СК 340-модда).